സങ്കേതിക തകരാറിനെ തുടര്ന്നാണ് എയര് ഇന്ത്യയുടെ IX 375 എകസ്പ്രസ് വിമാനം തിരിച്ചിറക്കിയത്.
കരിപ്പൂരില് നിന്ന് ദോഹയിലേക്ക് പറന്നുയര്ന്ന വിമാനം അടിയന്തരമായി തിരിച്ചിറക്കി. സങ്കേതിക തകരാറിനെ തുടര്ന്നാണ് എയര് ഇന്ത്യയുടെ IX 375 എകസ്പ്രസ് വിമാനം തിരിച്ചിറക്കിയത്.
ഇന്ന് രാവിലെ 11 മണിയോടെയാണ് സംഭവം. വിമാനത്തില് 175 യാത്രക്കാരാരും ഏഴ് കുട്ടികളും വിമാന ജീവനക്കാരും ഉള്പ്പെടെ 188 പേരാണ് ഉണ്ടായിരുന്നത്. വിമാനത്തിലെ യാത്രക്കാരെല്ലാം സുരക്ഷിതരാണ്.
രാവിലെ 9.07നാണ് വിമാനം പുറപ്പെട്ടത്. രണ്ട് മണിക്കൂറിന് ശേഷം 11.12 ന് അതേ വിമാനത്താവളത്തില് തന്നെ വിമാനം തിരിച്ചെത്തിയതായി വിമാനത്താവള ഉദ്യോഗസ്ഥന് അറിയിച്ചു. വിമാനത്തിന്റെ ക്യാബിന് എസിയില് സാങ്കേതിക പ്രശ്നമുണ്ടായിരുന്നുവെന്നും അടിയന്തര ലാന്ഡിംഗ് അല്ലായിരുന്നുവെന്നുമാണ് ഉദ്യോഗസ്ഥര് വ്യക്തമാക്കുന്നത്.
അതേസമയം സാങ്കേതിക പിഴവ് കണക്കിലെടുത്ത് മുന്കരുതല് നടപടിയായാണ് വിമാനം ലാന്ഡിംഗ് നടത്തിയതെന്നും ഉച്ചയ്ക്ക് 1.30 ഓടെ യാത്രക്കാര്ക്ക് ബദല് വിമാനം ക്രമീകരിക്കുമെന്നും എയര് ഇന്ത്യ എക്സ്പ്രസ് വക്താവ് പറഞ്ഞതായും മാധ്യമങ്ങള് റിപ്പോര്ട്ട് ചെയ്യുന്നു.
