മസ്കത്ത്– ഒമാനിൽ നിന്നും സാമ്പത്തിക തട്ടിപ്പ് നടത്തി യുഎഇയിലേക്ക് മുങ്ങിയ ഏഷ്യൻ പൗരൻ പിടിയിൽ. ഒമാനിലെ വാണിജ്യ കമ്പനിയിൽ ജോലി ചെയ്യുന്നതിനിടെ സാമ്പത്തിക തട്ടിപ്പ് നടത്തുകയും വ്യാജ രേഖ ചമയ്ക്കുകയും ചെയ്ത കുറ്റത്തിനാണ് ഇയാളെ പിടികൂടിയത്. യുഎഇ ആഭ്യന്തര മന്ത്രാലയത്തിന്റെയും റോയൽ ഒമാൻ പോലീസിന്റെയും സഹകരണത്തോടെ ഡയറക്ടറേറ്റ് ജനറല്‍ ഓഫ് എൻക്വയറീസ് ആൻഡ് ക്രിമിനൽ ഇൻവെസ്റ്റിഗേഷനാണ് പ്രതിയെ പിടികൂടിയത്. യുഎഇയിലേക്ക് നാട് വിടും മുമ്പ് ഇയാൾ കമ്പനി ഫണ്ടുകൾ ദുരുപയോഗം ചെയ്‌തെന്നും വ്യാജ രേഖകൾ നിർമ്മിച്ചെന്നുമാണ് ഇയാൾക്കെതിരെയുള്ള കുറ്റം.
